Kapur (pariuda)

Pariuda Kapur atawa Cretaceous adalah salah sabuting pariuda di jangka waktu giulugi nang bamula di akhir pariuda Jura wan balangsung sampai panambayan jaman Paleosen atawa kira-kira 145,5 ± 4 sampai 65,5 ± 0,3 juta tahun nang dahulu. Pariuda naya adalah pariuda giulugi nang paling lawas wan mancapai parak satangah matan era Mesozoikum. Akhir pariuda naya manandai batas matan Mesozoikum wan Kenozoikum.

Pariuda naya ditandai sabagai sabuah pariuda tapisah panambayannya ulih ahli giulugi Belgia, Jean d'Omalius d'Halloy, di tahun 1822 lawan mamakai stratum di Basin Paris wan mandapat ngarannya didasari pada banyaknya lapisan kapur (kalsium karbonat nang tabantuk ulij rurumahan invertebrata laut, tautama coccolith) nang ditamuakan di pariuda Kapur Akhir di Irupa daratan wan Kapulauan Britania.